Komuna e Drenasit ka bërë të ditur se këtë të shtunë të do të kryhet dezinsektimi hapësinor në qendër të qytetit.

Sipas njoftimit, për këtë proces do të përdoren preparate të sigurta me standarde të Bashkimit Europian.

“Dita e shtunë (18.08.2018) është zgjedhur për dezinsektim nga mushkonjat, sepse janë bërë të gjitha përgatitjet teknike dhe operative nga ana e DSHPE-së dhe Operatorit Ekonomik, po ashtu sepse parashikimet klimatike për këtë ditë, sigurojnë një mot stabil dhe pa reshje, për arsye se reshjet gjatë këtij procesi të dezinsektimit bëjnë të paefektshëm aksionin”, thuhet në komunikatën e Komunës.

Komuna ka kërkuar nga qytetarët që gjatë kohës së dezinsektimit, për sa paku një orë të kufizohen daljet në hapësirat ku është kryer dezinsektimi si dhe të mbyllen dritaret e shtëpive dhe banesave në mënyrë që të mos futen brenda insektet.